收到大家既祝福!!THX!
感激我又大左一歲…唔係人人都得
如果有一年既生日夠我同所有好朋友一齊過既話就好
每年收到大家既生日快樂總會有少少GUILTY唔係幾好意思
我都係鐘意贈人慶多D
尋日同我既摯友SUNIK過左好開心既一日
我既生日既來臨亦代表好快要同呢度既朋友分開
又代表我好快可以見到香港既你地
唯有向前看…
結婚會邀請大家
-.-
期待 July 27, 2008
係日本10個月的留學生活己經告一段落LU~~~
過得好快…連回頭睇既時間都無
而家終放可以放鬆一下
所以完左就搵我最愛既YUKI~++
上年7月同組識既YUKI
比我高1CM大我1歲
對眼比我仲要大>.<
去睇東京其中一個大規模既煙花大會
的確好多人
好鐘意個個坐係馬路一路飲一路睇既文化
放左個幾鐘….
然後去YUKI屋企留宿>.<
飲番杯講下女仔既心事>>>.<<<
第二朝再去室內遊樂場玩
打下棒球同PINGPONG
YUKI果然同我既運動細胞係一樣既-.-
拎起個拍就可以激戰個隻>.<哈哈
性格當然係佢可愛好多啦哈哈
好羨慕佢可以咁單純咁生活
佢一定會好幸福~~
玩完呢兩日之前
就要迎接新既挑戰……
差唔多3年都無做既野…….
點算!大家要祝福我!!
文化的互動 July 22, 2008
無意中在圖書館找到一本給想在中國教日文旳日本人看的書
看到日本人怎樣為中國人不能理解的習慣解釋
例如點解係中國買野一定要講價
解釋係
唔係因為佢地孤寒
係因為佢地覺得人地黎得買野乜交流都無就成交好可惜
所以講價就可以享受當中講話的樂趣
講真我一D都唔覺-.-
仲有中國人亂咁過馬路
顯出佢地係既生命力有幾強-.-
仲有點解中國既店舖服務比日本差咁多
佢話其實中國既服務業一直係度進步
只係未去到日本既程度者
睇到呢度
覺得日本人真係好可愛
相反我地
又會唔會設身處地去理解你地?
日本第一個終結 July 13, 2008
尋日返番打工既地方舉行我既FAREWELL PARTY
雖然係反正有會要開順便搞埋…不過大家都係有心既
好掛住大家T.T
7個月打工既日子
有開心
有唔開心
不過係WATAMICHI返工學到好多野
好滿足同好感激每一位同事
突然間同全部人FD晒^^
諗返岩岩返工同而家
我既日文的確係進步左好多
店長都話要尊敬我-.-我都好尊敬佢架其實..無佢就無今日既我(雖然當初只係我成功呃到佢請我哈哈)
又學到好多日本人處事手法
覺得自己交際手腕進步左
起碼係個度學到應有既工作態度
堅守自己工作崗位
互相在工作上補足對方提升效率
一齊營造開朗既工作氣氛,互相支持
好多好多….
同埋我地比起其他舖頭國際化
當你俾日本人認識你作為一個外國人既時候
佢就會接受你同佢既差異
而且會欣賞你
認識你
好鐘意日本人呢一方面…好虛心去聽你講
其實都幾感觸
因為要打破當中既隔模其實大家都好努力
其中一位同事喊住話唔捨得我
我又何嘗唔係…
不過經過左JAL SCHOLARSHIP1 週年
仲可以KEEP到既FDSHIP話俾我知
好朋友依然係好朋友
我而家好相信總有一日會再見
同埋唔會忘記大家
我結婚一定會請你地飲…最緊要你地肯黎
所以覺得無必要因為分別而傷感
因為一個終結就係另一個開始
出会い July 2, 2008
每一日你會遇到無數的人
同時見証著其他人由互不相識到變成朋友
或者變成敵人
或者原地踏步
我不期然就會想到自己都和他們一樣
期待著下一秒會遇到的哪一位
而那一位會成為你一生重要的一個人嗎?
他/她可能會改變你的一生
這種感覺很奇妙
很美麗
可能不是每一個遇到的都是你想遇到的
但那一份珍貴和機遇對每一個人都是獨一無二的
遇到的每一位都不是偶然的
而當你認為你已經遇到真正你命中的那一位
見到每一個人正在尋覓
或者等候
挑選
就會發覺自己很幸運
而且不會讓自己放手
所以我很滿足自己所有
回家 July 1, 2008
8月22日是我回家的日子
有些遲
但最後都會和大家重聚!!
多謝大家仍然記得譚翠明
我都記得你地架>.<
希望23號會見到你地!!否則就要等到28號!
再者十分期待7月尾的來臨!嘻嘻
要手信就要準備好給我的生日禮物哈哈
